Pagtatalaga

Isa sa magandang nangyari sa pagkakaantala ng aming pag-uwi ay ang makapaglingkod pa sa ating Panginoon. Kasama ang aking mga kaibigan na sina Noel, Vincent, at Roland kami ay naimbitahan ni Tito Solo (Tito ni Engr. Noel) na mag-ministeryo sa pagtatalaga kay Baby Charles sa ating Panginoon noong Mayo 21.

Mga Tambay sa Disyerto

Kumustahan

Salita ng Diyos at Pagtatalaga

Kainan at Swimming

Ang pagtatalaga sa bata o child dedication ay kaiba sa water baptism. Ito ay nag-ugat pa sa panahon ng mag-inang Hannah at Samuel, gayundin sa kapanahunan ng ating Panginoong Hesu Kristo. Ito ay ang pagpapahayag ng mga magulang na ang buhay ng sanggol ay regalo mula sa  Panginoon, pangangako ng pagpapalaki ng maayos sa anak sa lahat ng aspeto, pagpapatibay ng mga saksi na sila ay kabahagi ng pagpapalaki sa bata, at kasamang dumadalangin ang simbahan na sa mga darating na panahon ay lumaking may takot sa Diyos.

Ang pagtatalaga sa regalong buhay sa Diyos ay mahalaga, sa lahat ng oras at pagkakataon.

***

Dalawang buwan na akong naghihintay sa aking pag-uwi, ang totoo nakakainip at nakakalungkot. Maraming mga oportunidad ng nasayang, isa na rito ang makapagturo sa Philippine Science High School – Central Luzon Campus, Clark at makapagsimula ng bagong buhay. Hindi ko man maarok ang mga bagay-bagay at mga sagot sa mga tanong. Maging ang aking mga kaibigan ay naghihintay ng kanilang pag-uwi. Umabot na sa ministry of labor ang kanilang problema. Still, everything is entrusted to our Lord.

***

May be, the Lord is teaching me to see the beauty in waiting patiently, because there is. At ang lahat ng ito, sampu ng aking mga kaibigan at lahat pa ng OFWs na naghihintay ng pag-uwi ay aming itinatalaga sa Diyos.