Pong Is Back

• July 7 (4:10pm – 6:10pm) – sakay ng Flight EY 318 galing ng Riyadh papuntang Abu Dhabi, UAE. Magkikita sana kami ni Ate Anne dun kaso di pala pwede. Pitong oras ang aming paghihintay para sa transfer flight. Sa UAE walang abaya, kahit naka-shorts ang mga babae sa airport pwede.
• July8 (2:10am – 3:40pm) – sakay ng Flight EY 424 papuntang Manila. Sa sobrang haba ng biyahe hindi ako makatulog. Dalawang pelikula ang aking natapos, isang series na Big Bang Theory yata iyon.
• Delayed ang paglanding namin sa NAIA dahil sa malakas na ulan at hindi makita ang runway. Nagpaikot-ikot kami sa ere ng 30 minutes. Lumapag na kami ng mga 4:45pm.
• Unang ginawa ko ay nagtext sa sundo ko at sa bahay.
• Nagtagal kami sa immigration lane, baggage counter at sa custom lane.
• Pagkalabas hinanap ko ang aking sundo – si kuya. Sabay yakap.
• Ang saya ng pakiramdam kasi ang tagal kong hinintay na makauwi. May nagtext sa akin na ‘wag ko daw laiitin ang bansa natin dahil sa dumi at kitid ng mga daan.
• Abusado ang mga taxi drivers sa NAIA humihingi ba naman ng $40. Take note dollars ang singil. Ang lapit lang kaya ng pupuntahan namin. Bumaba kami kahit umuulan.
• Kakaiba na din ang mga pulubi sa atin Dirhams ang hinihinging limos. Dahil kita pala nila sa monitor ng arrival area na galing kami ng UAE. Kainaman talaga.
• 9:15pm na kami nakarating ng Porac. Si nanay ang sumalubong sa akin. Yakapa, yapos at iyak ang bati niya sa akin. Sabi ko naman tahan na kasi andito na ako.
• Tilapia at tocino ang inulam namin dahil yun ang request ko.
• Yakap at halik sa mga kapatid at pamangkin ko.
• Kinabukasan nagmano sa mga tito at tita. Ang hirap mag-adjust sa pagtulog at pagkain.
• Noong Linggo ay nakapag-church na ako, nakapasyal na sa puntod ng kapatid ko at nakapunta na sa Angeles City nagmasid-masid lang sa mga pagbabago.
• Kinakapa ko ang residence permit ko nung nasa Angeles na ako, akala ko kasi nasa Saudi pa ako, baka kasi may humuli sa akin pag di ko dala yun. Lels
• Kinwento ako ng aking pamangkin na grade 1 sa kanyang teacher na dumating na daw ako at walang pasalubong. Kainaman. xD
• Nagkita-kita na kami ng mga kaibigan ko sa Campus Ministry. Nakapag-attend nang Tuesday Fellowship.
• July 14 nag-ayos na ako ng resume at nagpasa ng application sa DOST – Manila at University of the Assumption – Pampanga. Hindi ako pinapasok kasi naka-shorts lang ako at long hair. xD. Married ang status ng OAV ID ko na. Ako na ang bagong kasal.

Maraming nangyari sa akin sa Riyadh maging dito sa mga naiwanan ko dito sa loob ng higit dalawang taon. Nais kong magpasalamat sa lahat ng mga nanalangin sa aking pag-uwi. Maraming, maraming salamat po at sa ating Diyos na siyang gumabay mula sa Riyadh hanggang dito sa Porac.

God bless you all!